كل النصايح دى للناس اللى هتشترى مستعمل

اسمع الكلام المهم ده من عسلية
نقول شوية نصائح تاخد بالك منها
بص بقا..
هتتفرج على العربية مستعمله وعايز تشتريها يبقا تاخد بالك من شوية حجات كده وهي هقولك عليها😮
1- مش من المستحسن انك تشترى عربية راشة جوا
(يعنى راشه دواخل زى حوض الموتور وداير الباب والشنطة )
لان العربية بتبقى عاملة حادثة محترمة ورحت عند الاسطى مشمش السمكرى قعد يستعدلها ويعملها زراجين واترشت عشان تدارى اماكن اللحمات وبتبقى واخده معجون
وانت من الاخر مش مجمع مبلغ بطلوع الروح عشان تروح تشترى عربية بالحالة دى 😕
٢ - نيجى بقى للنظريات الفنية
افتح الكبوت بص على فردة الشاسية كويس شوف فيها خبطه واخدة لحام او في حتة مكسورة فى فرق جامد بين الفوانيس والرفارف او فى رفرف مش مستريح مش قاعد صح فى مكانه او الكبوت نفسه واخد بنط لحام او معجون 😢😢
كل دى علامات ان العربية اتعمل فيها شغل قبل كده من قدام او كانت واخده خبطه جامدة ومشمش معرفش يقفل صح وبردوا القى نظره خاطفه على الشنطة لو لاقيت ارضية الشنطة فى حاجه زى كرمشة كده اعرف ان العربية كانت مخبوطة جامد من ورا
ودا هياثر على العفشة
وهيخلى العربية عربية مش تمام وسيبك منها 😞😞
٣ _نيجى للقلب بقا ( الموتور ) ☺
تدور الموتور تسمع صوته لاقيت ( دخنة _ ترزيع _ نقر ) اخلع من العربية دى 😤
بص على الموتور من تحت ومن فوق لاقيته غرقان زيت اعرف ان الموتور بينفخ وهيبدا يطلب طقم شمبر 😮
كمان خد مقاس زيت للعربية شوف اخبار الزيت ايه 🙋🙋
٤_ وحياة عيالك ياشيخ
بص على الضفيره اللى فى الحوض كويس واللى تحت الطابلوه
لو لاقيت وصلات كتير وشريط لحام كتير اعرف الاسطى لمبة الكهربائى عمل واجب مع صاحب العربية جامد
ولو هى كمبيوتر وبخاخ سيبك منها عشان هتتعبك
( ودا لمصلحتك والله التباع استايل )
٥ - العربية اللى راشة حزام نضافه من برا مش
كخه والله 😂😂
معظم دهان العربيات دلوقتى كلة ميتالك وبيبقى صعب ان رفرف او باب اتحك يترش بنفس درجة اللون تانى لان بتاع البويات حتى لو شغال بكمبيوتر مش هيديك بويه نفس الدرجه بالملى فبيبقى الحل ان العربية تترش حزام نضافه..
بس برضو خد بالك العربيه لازم تبص عليها كويس عشان فى ناس بتبقى عمله حوادث صعبه وشاده العربيه عند ناس حريفه
زى مشمش بتاع بنها ويقولك فبريكا او راشه حزام نضافه
٦ - نيجى بقى للفتيس
لو مانيوال المفروض تدوس دبرياج وتدى كل الغيارات من غير ما فى غيار يزعق او يطلع صوت او يرد تانى لوحده
وتكون الاسطوانه والديسك حالتهم كويس وجرب تدى الرابع مثلا وتسيب دبرياج لو العربيه بطلت يبقى كده طقم الدبرياج سليم ولو مبطلتش يبقى كده الاسطوانه والديسك خلصانين
لو طلعت تجرب العربية المفروض الفتيس يقلب الغيارات معاك و ميطولش
ولا تحس بهبدا جامدة فى تقليب الفتيس
و جرب الغيارات بتاعته بردوا
وخد مقاس زيت للفتيس بردوا
٨ - مطب ناس كتير اوى بتقع فيه وانه يشترى العربية والتكييف بتاعه عطلان على انه عايز يتشحن
لوسمحت قبل ما تشترى العربية خد صاحبها واطلعوا اشحنوا التكييف عشان تضمن انت حقك
احنا بيجلنا الحركة دى كتير اوى
وفى الاخر تلاقى الكباس بتاع التكييف مفوط وسرفنتينا مثقوبة وعايزه تتغير وشوية
مصاريف عنب الله يعينك عليها
٩-اركب العربية واطلع جرابها وشوف فى اصوات غريبه انت سامعها او العربية بتحدف ولا حاجه وجرب فراملها كويس وتاكد منها وبص على العدادات كويس شوفها كلها شغاله فى عداد بيعلق ولا لا وكل الوظائف جوا العربية شغاله ولا لا😎😎
وطبعا مش عايز اوصيك متدفعش مليم واحد ولمبة Check Engine منورة 😤
(وانتشر فى قلب المكان يعنى بصوت اللمبى) 😂😂
١٠- - متسمعش كلام صاحب العربية اللى انت شاريها منه
يقولك انا لسه مغير مش عارف ايه وعامل ايه ومخليها طيارة
قوله طيب وخد المفتاح واطلع على مركز الصيانة اللى انت بتتعامل معاه واعمل طقم سيرفيس كامل للعربية لان دا هيزود ثقتك فى العربيه وهيخليك فى امان ✌✌
١١- كل لما اللعب والشخليل اللى فى العربيه زادت متفرحش وابدا اقلق لان العربيه لو متبهدله صاحبها هيلعب فيها شويه عشان يعلى سعرها يعنى تلاقيه مركب طقم جنط سبور على عدة صوت جامدة على شوية انوار ولعب كده بحيث انه يشدك ليها ويخليك تنسى انك تدور على الاساسيات 😃😃😃
كل النصايح دى للناس اللى هتشترى مستعمل <br>
ومعاه مبلغ عايزه تحطه فى عربية مره واحده من غير تكالييف تانى👌👌
انما فى ناس تانيه بتحب وبتتلذذ تشترى اللى فيه مشاكل عشان تقلل فى تمنه و فى الاخر بيتعبوا من جريهم ورا الصنايعية عشان يخلصوا مشاكل العربية وبيدفعوا فلوس عنب 😕😕
والمشمش من دول يقولك (عملنا شوية فلوس زى الفل احسن ) بصوت مرجان احمد مرجان
طب وليه دا كله
ما تريح نفسك واعمل بالنصايح دى
واشترى دماغك بقى يا......

إلقاء القبض على دجال المنوفية يطلب من احدى الضحايا معاشرته مثل الازواج

انتشرت ظاهرة الدجل و الشعوذة واصبحت تشكل خطراً كبيراً على كافة فئات المجتمع في مصر، و لا سيما بعض السيدات اللائي يقوعهن حظهن العاثر ضحية في قبضة المشعوذين وتجار الوهم حيث يوهمون ضحاياهم بقدرتهم على الشفاء من بعض الأمراض المستعصية، زواج العانس، رد المطلقة، جلب الحبيب، رد الغائب، و ما إلى ذلك من أشياء بيد الله وبأذنه وحده عز و جل.

يعمل كل المشعوذين على التعارف على ضحاياه على طرق عده  وعلى سبيل المثال من سبل وسائل التواصل الاجتماعي، أو عن طريق الإعلانات في بعض القنوات الفضائية ، أو عن طريق الأهل و المعارف، و كل تشكل خطراً صريحاً بحق العديد من السيدات و الفتيات اللاتي يقعن تحت أيديهم، بداية من طلبات بعض الأشياء الغريب، كالأعشاب، البخور، و طلب بعض الأموال التي ربما تصل إلى آلاف الجنيهات، حتى يطلب من بعض ضحاياه من السيدات معاشرتهن جنسياً معاشرة الأزواج.

تعود تفاصيل الواقعة عندما تمكن رجال مباحث قسم منوف، بمحافظة المنوفية، من إلقاء القبض على شخص يعمل في المطابع الأميرية، يدعي قدرته على علاج بعض الأمراض، و يعمل في مجال السحر و الدجل، و تم اتهامه بالنصب على سيدتين في مبلغ مالي، 17 ألف جنيه، 7500 جنيه، بعد أن أوهمن بحل مشاكلهن.

خلال التحقيقات اعترف المتهم بأنه أنشا صفحة على مواقع التواصل الاجتماعي، و استخدم اسم مستعار، الدكتور طارق الرفاعي، و أضاف أنه كان يتلقى العشرات من المكالمات الهاتفية من بعض السيدات لمساعدتهن في حل مشاكلهن. و في اتصال من إحدى السيدات، كانت تشكوا من هجر زوجها لها، و أن زوجها يعاملها بجفاء، و طلبت مقابلتها في منوف، و طلبت منها إحضار مبلغ مالي، و بعض الأعشاب و بخور، و تابع المتهم قائلا، أقنعت السيدة أن زوجها معمول له عمل سفلي و هذا هو سبب الخلافات بينكما، و طلبت معاشرتها جنسياً، حتى يبطل مفعول العمل السفلي لزوجك. و قالت السيدة المجني عليه، أنها قابلت المتهم أكثر من مرة في مركز منوف، و طلب مني بعض الأشياء و مبلغ مالي، و في مفاجأة منه، طلب أن يعاشرني معاشرة الأزواج، و عرفت أنه نصاب، و أبلغت الشرطة عنه فوراً. و كانت سيدة تبلغ من العمر 13 عاماً، مقيمة بمصر الجديدة، قد تقدمت ببلاغ ضد موظف بالمطابع الأميرية، و ذلك بعد أن نصب عليها في مبلغ مالي، و أوهمها بحل مشاكلها الزوجية، و أنه طلب معاشرتها.

و عقب تقنين الإجراءات، تم القبض على المتهم، و معه سيدة تبلغ من العمر 51 عاماً، و أقرت أيضاً أنها تعرضت للنصب في مبلغ 7500 جنيه، بعد أن أوهمها بحل مشكلة نجلتها مع زوجها.